:: الــجـــــادل ::

:: الــجـــــادل ::

--------------------------------------------------------------------------------


بسم الله الرحمن الرحيم
السلام عليكم ورحمة الله وبركاته ،،، وبعد

هذه قصيدة لها مناسبتها وهي من إنتاجي
أتمنى من الله العلي القدير أن تنال على
رضا وإستحسان أعضاء {المزاحمية كوم}.


قال العريفي والعريفي طراله
من فوق رجمٍ شامخٍ ينعناله
من بعد ميلاد الوهج لاتمثنى
واخيل مزنٍ ناشيٍ من شماله
ياونةٍ ونيتها عقب ونة
ونة ولد هدلان راعِ الشكاله
ماراح دم الذيب هدرٍ ولا لا
اردف عقب فرقا الفديّع ثماله
الا جيوشٍ تردف الجيش عنوه
وجرّ القصيد اللي ينومس فعاله
للجادل اللي تكسب الحسن كله
وان ماكفاه الزود زدنا بداله
كان الحسب كان النسب ياجماعه
وكلٍ يبا يارد عدود الجماله
يومه تلاشى بين رمشي وظله
والبعد يقطع مابقى من حباله
واقفى وانا حسبي على باري الكون
وقام يتوارى بين جده وخاله
واقفى وانا حافظ له الودّ كله
مابين طيب وبين حلم وجهاله
اقفى وانا اجر العباري والآلام
واشيل حمل العيس والطير داله
اقفى وكنّ الشهد مابعد ذقته
الا مع اللي فال من هو دناله
وماقد سملت البيض قبلك يا...
لا لا ولاني من يعرف السماله
الا بعد شوف القمر يوم قبّل
وارخى شعاعه يوم دنّا قباله
ومن بعد ماشفت القفى يوم قفى
وزم النهد يومه دنالي وصاله
وشعره ليا طار الهوى فيه بركود
ليلٍ عديمٍ والنجم ماصفاله
ولاسلهمت عين المها ثم قفّت
قلت ادركوني صاب قلبي وشاله
وفجّ النحر يوم انصهر حوله العقد
نال المعالي والمعالي مناله
وخصرٍ لياقام يتمايل ويومي
عود القصب يوم المصب فيه ساله
ولو آصفك ثم آصفك ياغناتي
يعجز لساني ترجمة شي هاله
يابنت حملي يحتمل فوق مايشيل
يومٍ ولد اللاش مرتاح باله
اشيل مااركت فوق ظهر البعارين
والدّ عيني يوم كلٍ بفاله
وحدرت من رجمي على واديٍ سال
وانهيت قولي يوم كلٍ وقاله
وختامها صلوا على سيد الخلق
شفيعنا الهادي محمد وآله


وسلامتكم