:: الـكــاســب الـلــي ::
--------------------------------------------------------------------------------
بسم الله الرحمن الرحيم
اتمنى ان تنال هذه الأبيات على رضا ذائقتكم
واي نقد ارحب به بكل رحبٍ وسعة .
الكاسـب اللـي مـن عنـا وقتـه ارتـاح
لاشاف ضيمه ينطحه عـزم وجمـوح
ضيمـه ليـامـن طـاولـه قــام مـاطـاح
مطنوخ راس ولا عرف طاري النوح
وان قفّت المنكب وجا زرق الارمـاح
عنهم يشوم ويشعـب شعيـل ويـروح
مـالـه بـهـم نقّـالـة الـــراح بـالــراح
اللـي تعـذرب فالحكـي دون مصلـوح
وياطيـر ياللـي طلعتـك فـوق مـلـواح
شـابـكّ يـنـدا واتعـبـت كـفّـه الـلــوح
من ماكر يبنـى علـى طيـب واصـلاح
تبنـي صـروح العـزّ ماتهـدم صـروح
اوقـف علـى كفّـي واذريــك الالـفـاح
وانصـا بـك اللـي سرهـم مابعـد بـوح
نــاسٍ تــوردك المـراجـل والاربــاح
وللكـذب مذمـومٍ وللـصـدق مـمـدوح
في سلمهـم طيـب السجيـة والامـزاح
ودون العقيـدة والادب صــدّر وروح
امـا وجـودي فــي زمــن لاح يــالاح
وتيه المبادئ في زمن صـار مفتـوح
اكـنّ ضيقـة تختلـج صـبـح وامــراح
وازعج بصوتٍ ينفتق وسطه جروح
ابيـه يبـرد جـاش مـن كـابـح جـمـاح
وش فـايــدة روحٍ بـــلا فـايــدة روح
وسلامتكم